مشكلتى مع نفسى
انا فيا مشكلة انى بحب اقعد لوحدى كتير
ودى بيزعل ناس كتير اوى منى بس والله من غير قصد
انا اصلا ما اعرفش انا لية كدة
بس اللى انا عارفة كويس انى بكون مرتاحة وانا وقعدة مع نفسى
يعنى مثلا ناس جاين يزرونا طبعا بطلع اسلم عليهم واقعد شوية وادخل بعد كدة
دى بقى ما بعجبش ماما ولا بابا ولا اخواتى عاوزينى اكون قعدة طول ما هما قعدين
ولو خرجنا انا بحب اتكلم واضحك وقت الكلام والضحك لكن فى وقت بحب الصمت
يعنى فيا حاجة غريبة انى بحب اتفرج ع الناس وهما مشيين والشوارع والانوار ببقى مبسوطة جدااااااااااا
اصحابى بقى لازم يرخموا معايا ووالله انا بحبهم جدا وبحب اضحك معاهم واتكلم ولكن مش طول الوقت
الموضوع دة مضيقنى جداااااااااا ونفسى اغيرة فيا بس مش عارفة لانة بيزعل ناس كتير منى
دى مشكلتى نفسى القى حل للموضوع دى
لانى يوميا لازم ادخل فى مناقشات وحوارات عنيفة بسبب الموضوع دى
مشكلتى!!!!!!!!!!!!
18 يوليو 2008 في 6:06 ص
تعرفى ان دى نفس مشكلتى وكنت هاتكلم عنها برضه ,بالضبط نفس الكلام اللى انتى بتقوليه هو ده اللى بيحصل معاى لدرجه ان اهلى بيقولولى ان انا مش اجتماعيه ومش هاينفع كده لازم تبقى اجتماعيه اكتر ولازم تضحكى وتتكلمى بس انا اصلا والله نفسى اعمل كده بس مش عارفه ,بجد نفسى حد ينصحنى فى الحكايه دى
لان بجد بدأت ادخل فى مشاكل تانيه واللى مايعرفنيش بيقولوا عليا متكبره وانا والله مش كده خالص انا بضحك وبتكلم بس مش على طول ,بجد مش عارفه اساير المجتمع اللى حوليا
18 يوليو 2008 في 7:01 ص
دى مش مشكلة يااسماء .... دى حاجة عادية كل انسان بيحتاج وقت يكون فيه مع نفسه ودى حاجة عادية انتى بطبيعتك هادية واللى حواليكى لاحظوا ده يبقى لازم يحترموه لان دى شخصيتك ....... اوك انتى بتحبى تتفرجى على الناس وانتى ماشية ومش بترغى مع اصحابك وبيضايقوا قوليلهم ده
انا عادة مش بحب ارغى وانا راكبة اى مواصلات لانى بحب بردو اتفرج على الناس وانا راكباها فبضطر اقول للى بتحاول تطول فى الكلام سيبينى دلوقتى او انى مش عاوزة اتكلم دلوقتى تقوم بتحسبنى انى زعلانة او مضايقة او مش عاوزة اتكلم معاها ...... ده طبعا كله سوء تفاهم نتيجة لانى بس ماقولتش انا بحب اعمل كدة ...... بصى اللى يعترض رصى قدامه كل الحاجات اللى انتى بتحبى تعمليها وبتمثل شخصيتك وهم مع الوقت هايتعودوا حتى لو اعترضوا او حاولوا يغيروا فى النهاية زى مابيتقال كدة "الطبع غلاب" دايما بسمعها من امى الجملة دى وبتساعدنى على التعامل مع اللى حواليها ......... بس كفاية رغى كدة
ســــــــــــــلام
18 يوليو 2008 في 4:57 م
مش مشكلتك لوحدك على فكرة
بتحصل بس حاولى تقاومى المشكلة دى
سلام
19 يوليو 2008 في 7:05 ص
طب انتي لية معتبراها مشكلة ؟
الناس اللي حواليكي هم اللي شيفنها مشكلة صح ؟ و انتي مش شيفاها مشكلة هو مضايئك لان اللي حواليكي هم اللي متضايقين , و مبتسببش ضرر للي حولك ولا ليكي اذا فين المشكلة ؟
19 يوليو 2008 في 8:07 ص
@angel
شكرا لمرورك واظاهر انها مش مشكلتى لوحدى
@ نسمة حبيبتى
المشكلة كلها فى انى بسبب زعل للناس اللى بحبهم
دى المشكلة هما بيحبونى اتكلم معاهم واضحك واشركهم ودى بيحصل بس مش طول الوقت
@بشمهندس adel
انا بقاوم بس بقاوم نفسى لانى نفسى اتغير عشان الناس اللى حواليا
مش مثالية منى ولكنها رغبة فى ارضاء الاخرين
@ بشمهندس اسلام
اولا انا متشكرة لمرورك
بس زى ما قولت المشكلة انى عاوزة ارضى اصحابى والناس اللى بحبهم
شكرا
19 يوليو 2008 في 10:51 ص
انا رأيي ان لازم اللي حواليكي يحترم
الموضوع ده
كل الناس بتحتاج وقت تكون فيه لوحدها
او وقت للعزله ده طبيعي جداا
ومش مشكله خااالص