السلام عليكم ورحمة الله وبركاتة
بجد وحشنى البلوج بتاعى جداااااااااااا من زمااااااااااااااان ما كتبتش موضوع جد فية
كل سنة وانتوا طيبين العيد خلص والامتحانات على الابواب ولا بلاش السيرة دى :(
يا رب تكونوا استمتعتوا بالعيد واكلتوا لحمة
ندخل فى الموضوع
احيانا كتيرة نحب حاجة وفى نفس الوقت مش بنحبها
يعنى انا مثلا ما بحبش انيس منصور (عدو المرأة ) والعمود بتاعة بيستفزنى (مواقف) وبرغم كدا بحب اقراء العمود بتاعة كل يوم
ولو فوت يوم احس انى مضيقة ومش مسبوطة
هو دا التناقض بعينة وبرغم انى عارفة ان دا تناقض الا انى حاسة ان دا شى طبيعى
مش بس كدا فى مقولة مهما نتناقش فيها ما نوصلش هل هى صح ولا غلط
يعنى مثلا
succes is not the key to happiness, happiness is the key to succes
الجملة دى علطول نختلف عليها هى صح ولا غلط
انا مقتنعة انها صح وكتير مقتنعين انها غلط وفى اللى نص نص
بس برغم انى مقتنعة ان الجملة صح مش عارفة اقنع غيرى انها صح
لانى مش لاقية تبرير انها مش غلط
هو دا التناقض وبرغم كدا انى حاسة انة طبيعى
مش بس كدا فى مواقف تدل على التناقض
يعنى مثلا
انا لما بحب واحدة صحبتى اوى اتراخم عليها اوى اوى
هو دا التناقض بس انا مش شايفة كدا
مش بس كدا حتى الحالة المزاجية
لما الجو يبرد حبتين اقول الجو انهاردة وحش جداااااااا
واول ما اشوف الصورة اللى فوق اقول يا سلام لو اروح هناك اقضى يومين برغم انها مش برد حبتين دى تلج
هو دا التناقض بس انا مش شايفة كدا
هى اية الحكاية
الحكاية انى فى حاجة مشتركة ما بين كل التناقضات دى
انى بحس بالسعادة وانا بعملها
هو دا
كل واحد فينا عندة تناقضات من وجة نظر الاخرين لكن من وجة نظرة بيعتبرها طريقة للسعادة
فى جملة علطول فى ودنى
الشاطر اللى يعرف يقتنص لحظات السعادة فى حياتة
كون و كونى شاطر
سلام يا شطار :(