السلام عليكم ورحمة الله وبركاتة

خلاص خلصت الاجازة وبدات الدراسة عارفة انها بدأت من يوم السبت بس بالنسبالى بدات النهاردة

السكاشن اتحددت الجدوال نزلت واتعدلت كمان وربنا يستر وما تتعدلش تانى هنبدأ سنة جديدة

بس سنة مختلفة عن السنتيين اللى فاتوا سنة كل بشمهندس وبشمهندسة حدد هو عاوز اية

سنة مش هنتجمع فيها كلنا الا فى محاضرة او محاضرتيين الا ان هدفنا واحد ان احنا ننجح نطلع مع بعض نعمل حاجة نشتغل صح

انا لية بكتب البوست دا لانى عاوزة اقول كلمة شكر لكل اصحابى لكل الدفعة بجد انا متشكرة جداااااااااا

مش بس كدا احنا مع بعض برغم اننا مش فى قسم واحد بس مع بعض نحاول نسيب اثر طيب فى الكلية لما نتخرج ان شاء الله

يقولوا دفعة 2010دى دفعة ممتازة اخلقيا وعلميا دفعة كانت بتساعد زمايلها دفعة حريصة ع مستقبلها

جايز بكتب الكلام دا لان خلاص كلها بكرة ومش هكون متوجدة باستمرار عشان الدراسة وطبعا النت فى المدينة ما بيكونش حلو علطول

بكتب عشان احمس اصحابى واحمس زميلى واحمس نفسى

بكتب عشان اقولكم كل سنة وانتوا طيبيين بمناسبة عام دراسى ان شاء الله سعيد

وكمان كل سنة وانتوا طيبيين بمناسبة العيد عشان انا مش هكون موجودة عشان اشاركم العيد ع المنتدى

ان كان فى نجاح السنة اللى فاتت فبجد دا بفضل ربنا سبحانة وتعالى وبفضلكم

لم ولن انسى ابدا ان كل واحد واحدة مسكوا القلم وكتب كلمة حلوة كانت سبب فى دخولى مجال جميل جدا ومفيد

بجد انا بشكر كل بشمهندسة فى الدفعة وبعتبركم زى اخواتى وطبعا اصحابى

وبشكر كل بشمهندس فى الدفعة لانى بعتبركم زى اخواتى برغم انى ما ليش اخوات ولاد بس انا كسبت اخوات كتير جدااااااا وزمايل

انا من غير ما افكر لقيت نفسى بكتب كدا

ما فيش قدامى غير انى اقول

بالتوفيق للجميع

وتحياتى

وما تنسوش تعيدوا وتنبسطوا عشان بعد كدا هندخل مش هنعرف نخرج تانى ههههههههههههههههه

سلام